Shri Hanuman Chalisa
॥ श्री हनुमान चालीसा ॥
The revered forty-verse hymn composed by Goswami Tulsidas, celebrating the devotion, immense strength, wisdom, and boundless grace of Shri Hanuman.
Respectful, unobtrusive partner placement supporting Mantra Van
Synchronized Ancient Scroll
॥ श्री हनुमान चालीसा ॥
गोस्वामी तुलसीदास कृत • अवधी महाकाव्य
श्रीगुरु चरन सरोज रज निज मनु मुकुरु सुधारि ।
बरनउँ रघुबर बिमल जसु जो दायकु फल चारि ॥
बुद्धिहीन तनु जानिके सुमिरौं पवन-कुमार ।
बल बुधि बिद्या देहु मोहिं हरहु कलेस बिकार ॥
जय हनुमान ज्ञान गुन सागर ।
जय कपीस तिहुँ लोक उजागर ॥
राम दूत अतुलित बल धामा ।
अंजनि-पुत्र पवनसुत नामा ॥
महाबीर बिक्रम बजरंगी ।
कुमति निवार सुमति के संगी ॥
कंचन बरन बिराज सुबेसा ।
कानन कुंडल कुंचित केसा ॥
हाथ बज्र औ ध्वजा बिराजै ।
काँधे मूँज जनेऊ साजै ॥
संकर सुवन केसरीनंदन ।
तेज प्रताप महा जग बंदन ॥
बिद्यावान गुनी अति चातुर ।
राम काज करिबे को आतुर ॥
प्रभु चरित्र सुनिबे को रसिया ।
राम लखन सीता मन बसिया ॥
सूक्ष्म रूप धरि सियहिं दिखावा ।
बिकट रूप धरि लंक जरावा ॥
भीम रूप धरि असुर सँहारे ।
रामचंद्र के काज सँवारे ॥
लाय सजीवन लखन जियाये ।
श्रीरघुबीर हरषि उर लाये ॥
रघुपति कीन्ही बहुत बड़ाई ।
तुम मम प्रिय भरतहि सम भाई ॥
सहस बदन तुम्हरो जस गावैं ।
अस कहि श्रीपति कंठ लगावैं ॥
सनकादिक ब्रह्मादि मुनीसा ।
नारद सारद सहित अहीसा ॥
जम कुबेर दिगपाल जहाँ ते ।
कबि कोबिद कहि सके कहाँ ते ॥
तुम उपकार सुग्रीवहिं कीन्हा ।
राम मिलाय राज पद दीन्हा ॥
तुम्हरो मंत्र बिभीषन माना ।
लंकेस्वर भए सब जग जाना ॥
जुग सहस्र जोजन पर भानू ।
लील्यो ताहि मधुर फल जानू ॥
प्रभु मुद्रिका मेलि मुख माहीं ।
जलधि लाँघि गये अचरज नाहीं ॥
दुर्गम काज जगत के जेते ।
सुगम अनुग्रह तुम्हरे तेते ॥
राम दुआरे तुम रखवारे ।
होत न आज्ञा बिनु पैसारे ॥
सब सुख लहै तुम्हारी सरना ।
तुम रच्छक काहू को डर ना ॥
आपन तेज सम्हारो आपै ।
तीनों लोक हांक तें कांपै ॥
भूत पिसाच निकट नहिं आवै ।
महाबीर जब नाम सुनावै ॥
नासै रोग हरै सब पीरा ।
जपत निरंतर हनुमत बीरा ॥
संकट तें हनुमान छुड़ावै ।
मन क्रम बचन ध्यान जो लावै ॥
सब पर राम तपस्वी राजा ।
तिन के काज सकल तुम साजा ॥
और मनोरथ जो कोई लावै ।
सोइ अमित जीवन फल पावै ॥
चारों जुग परताप तुम्हारा ।
है परसिद्ध जगत उजियारा ॥
साधु संत के तुम रखवारे ।
असुर निकंदन राम दुलारे ॥
अष्ट सिद्धि नौ निधि के दाता ।
अस बर दीन्ह जानकी माता ॥
राम रसायन तुम्हरे पासा ।
सदा रहो रघुपति के दासा ॥
तुम्हरे भजन राम को पावै ।
जनम जनम के दुख बिसरावै ॥
अंतकाल रघुबर पुर जाई ।
जहाँ जन्म हरि-भक्त कहाई ॥
और देवता चित्त न धरई ।
हनुमत सेइ सर्ब सुख करई ॥
संकट कटै मिटै सब पीरा ।
जो सुमिरै हनुमत बलबीरा ॥
जै जै जै हनुमान गोसाईं ।
कृपा करहु गुरुदेव की नाईं ॥
जो सत बार पाठ कर कोई ।
छूटहि बंदि महा सुख होई ॥
जो यह पढ़ै हनुमान चालीसा ।
होय सिद्धि साखी गौरीसा ॥
तुलसीदास सदा हरि चेरा ।
कीजै नाथ हृदय महँ डेरा ॥
पवनतनय संकट हरन मंगल मूरति रूप ।
राम लखन सीता सहित हृदय बसहु सुर भूप ॥
पवनतनय संकट हरन मंगल मूरति रूप
About this Sacred Practice
Composed in the 16th century in Awadhi by the great saint-poet Goswami Tulsidas, the Hanuman Chalisa is one of the most beloved devotional scriptures in Sanatan Dharma. The word 'Chalisa' derives from 'chalis', meaning forty, representing the forty sacred quatrains (chaupais) preceded and concluded by classical dohas (couplets). Reciting or meditating upon these verses creates an aura of fearlessness, dissolves inner conflict, and aligns the heart with steadfast devotion.
Devotional Intentions
Practitioners traditionally sit with these mental orientations to cultivate inner peace, steadfast courage, and sincere devotion:
- Inner courage and freedom from fear
- Clarity of mind and steadfast devotion
- Spiritual protection against negativity
- Humility, service, and inner strength
- Peaceful atmosphere in home and heart
Shri Hanuman Chalisa - Meditative Forest Rendition
Mantra Van Official Channel (@MANTRAVAN-09)
Experience this sacred jaap visualized with morning forest mist, sacred diya lamps, and acoustic temple resonance.
Respectful, unobtrusive partner placement supporting Mantra Van
Related Sacred Teachings
Hanuman Shakti Jaap
॥ हनुमान शक्ति जाप ॥
A meditative chanting discipline invoking spiritual strength, emotional fearlessness, and calm mental resolve through the sacred name of Hanuman.
Sita Ram Jaap
॥ सीता राम महाजाप ॥
The sweet, supreme chant of Sita Ram—a soothing balm for the restless mind, harmonizing the divine feminine and masculine energies within the spiritual heart.
Ram Naam Jaap
॥ श्री राम नाम महामंत्र ॥
The Taraka Mantra 'Shri Ram Jai Ram Jai Jai Ram', celebrated as the eternal boat that safely carries consciousness across the turbulent ocean of worldly existence.